D’RELEVANZ VUM SORTÉIEREN
VUN WEI ENGEN APPARATER SCHWÄTZE MIR HEI?
WEIDERVER-WENDUNG ODER RECYCLING?
D’RELEVANZ VUM SORTÉIEREN
Et ass wichteg dass déi Geräter aussortéiert ginn, déi an ären Tirang, Schief, Späicher vergiess gi sinn. Déi verloossent Geräter hunn et verdéngt fir néi benotzt oder recycléiert ze ginn.
Heiansdo weess een
net, wou een seng al/kleng
Elektro- an
Elektronikapparater
entsuerge soll.
Mee se gehéieren net
an déi gro Poubelle.
Denkt un
d'Weiderbenotzung
oder de Recyclage.
Dëst einfach Action erlaabt ären Impakt op d’Ëmwelt ze reduzéieren. Andeems Dir är al Apparater op dediéierten Sammelpunkten zeréckginn, revaloriséiert Dir d'Apparater an hëlleft wesentlech Réistoffer ze spueren.
Är Geräter sinn eng richteg Minn vu Materialien, vun deenen verschidden d’Ëmwelt méi staark belaaschte kënne wei anerer. Et ginn och Stoffer, déi absolut net ëmweltfrëndlech sinn, wéi PCB, Quecksëlwer, Cadmium, FCKW vun de Frigoen an nach anerer.
Bei Ecotrel gëtt drun gesuergt, dass déi geféierlech Bestanddeeler richteg entsuergt ginn an déi Bestanddeeler déi valoriséiert kenne ginn erëm an eis Wirtschaft zeréckbruecht ginn.
VUN WEI ENGEN APPARATER
SCHWÄTZE MIR HEI?
Vun der Kaffismaschinn bis zur kleng Spillsaachen, entdeckt wéi eng elektresch an elektronesch Apparater a fro kommen.
Geräten mat Wärmeaustausch
_______________________
Frigoen, Klimaanlagen, Ueleg Heizungen, etc…
Luuchten
_______________________
Liichtstofftüben, Energiespuerluuchten, LED-luuchten…
Kleng Geräter
_______________________
Staubsauger, Luuchten, Mikrowell, Streckeisen, Toaster, Biz, Wecker an Aueren, LED-Täscheluuchten, elektresch an elektronesch Spillsaachen, connectéiert Fitnessbraceleten, Fitnessausrüstung, Thermometer asw...
Bildschiermer
_______________________
Fernsee, Moniteuren, Billerrahmen, Laptoppen, etc...
Grouss Geräter
_______________________
Wäschmaschinn, Trockner, Spullmaschinn, Kachplack, etc…
Kleng Informatik an Telekommunikatiounsgeräter
_______________________
Handy, Webcam, PC, Computer-Mais, Smart-Aueren, Kopfhörer, Chargeuren, MP3-Playeren, elektresch Zännbiischten a Raséierapparaten, Mini-Bluetooth- Lautsprecher...
Ären Apparat funktionéiert nach oder ka potenziell reparéiert ginn
Denkt un d’Weiderverwendung a bréngt Ären Apparat op ee vun eise Social ReUse Diagnostikpunkt. Ween weess, villäicht gëtt ären alen Toaster d'Star vun engem neien Haushalt.
Klickt heirënner fir d’Lescht vun den Ressourcenzenteren ze gesinn déi um Projet Social ReUse mat deelhuelen.
Wéi eng Apparater kennt dir zeréckbréngen ?
Grouss Haushaltsapparater
Zum Beispill: Trockner, Wäschmaschinn, etc.
Kleng HaushaltsapparaterKaffismaschinn, Mixer, etc
IT-GeräterLaptop, Smartphone, etc
Audio-/ VideoapparaterFlatscreen, DVD Player, etc
Är Apparater gi vum Soziale Prestataire Nei Aarbecht, zeréckgeholl, deen nodeems si fir d'Weiderverwendung virbereet gi sinn zu Hielem an hirem Buttek zu engem reduzéierte Präis verkaf ginn.
VÄr IT-Geräter gi vun hire perséinlechen Donnéeë komplett gelëscht am Aklang mat den allgemengen Dateschutzreglementer (GDPR), a ginn da rekonditionéiert an un Leit verdeelt, déi keen Zougang zu den Informatiouns- a Kommunikatiounstechnologien hunn, an dat gëtt vun engem soziale Prestataire deen Digital Inclusion ASBL heescht gemaach.
Hëlleft de Liewenszyklus vun ären Apparater ze erhéijen andeems Dir d'Ressourcë spuert fir se ze hierzestelle wärend Dir dobäi d'Sozial Integratioun fërdert.
Ären Apparat huet definitiv de Geescht opginn
Denkt un de Recycling a bréngt déi gratis an äre Ressourcenzenter, dee gëtt dann an de Reegele vun der Konscht recycléiert.
Klickt heirënner fir ären Ressourcenzenter ze fannen.
Dir kënnt et och der Aktioun SuperDrecksKëscht fir Bierger bei der mobile Sammlung, déi si reegelméisseg organiséiert, uvertrauen.
Klickt heirënner fir méi Informatiounen iwwer mobile Sammlung.
Andeems Dir ären Apparat recycléiert limitéiert Dir d'Verbreedung vu verschmotzte Substanzen déi des Apparater enthale kéinten, an de Risiko fir d'Ëmwelt a Gesondheet gëtt och limitéiert. Den Offall vun natierleche Ressourcë gëtt reduzéiert, andeems d'Rohmaterialien déi an ärem Apparat enthale sinn an engem neien Apparat nei benotzt ginn.
Wat dobäi?
Dir braucht en neien Apparat, schlot
zwou Mécken mat enger Klapp.
Dir kënnt Ären alen Apparat ofgi mam
Kaf vun engem neien änlechen Apparat
bei ärem Händler.
Wann äert Apparat eng Ausmoosse
vun ënner 25 cm huet, gitt et bei
engem Händler mat enger Verkafsfläch vun
Elektroapparater vun iwwer 400m2 of.
An dat ouni Kafverpflichtung.
Ecotrel ASBL ass vum Ministère fir Ëmwelt, Klima an nohalteg Entwécklung agreéiert an organiséiert d’Sammlung an den Traitement vun Elektro- an Elektronesch Apparater zu Lëtzebuerg.
« 2024 huet Ecotrel méi ewéi 9.800 Apparater am Kader vum Social ReUse Projet zeréckgeholl. Et ass wichteg ze ënnersträichen datt 83% vun den Apparater déi zeréckgeholl gi sinn, erëm op de Maart gesat gi sinn »
Andy Maxant
CEO Ecotrel a Member vum Verwaltungsrot vum WEEE Forum
Heefeg gestallt Froen
Wann Dir Froen hutt, ass eis FAQ do, fir déi ze beäntwerten. Sou vill Geheimnisser mat engem Klick geléist!
Firwat sollt ech meng kleng Apparater net an déi gro Poubelle geheien?
Zännbiischten, Thermometeren, Täscheluuchten… déi kleng Elektro- an Elektronikapparater enthalen Bestanddeeler, déi d'Ëmwelt staark verschmotze kënnen wann se net richteg entsuergt ginn. Doduerch, datt Dir se an Ärem Ressourcenzenter ofgitt, drot Dir dozou bäi hinnen en neit Liewen ze ginn a schount gläichzäiteg d'Ëmwelt.
Wat ass den Social ReUse ?
De Social ReUse ass en Projet ob Initiative vun Ecotrel an Zesummenaarbecht mat de Ressourcenzenteren. Dëse Projet huet als Ziel, d'Reparatioun a Weiderverwendung vun elektroneschen an elektresche Geräter ze fërderen.
Weider Informatiounen: https://www.ecotrel.lu/de/news/social-reuse
Kennen all Apparater an de Programm "Social ReUse" zeréckkommen?
Leider, net. Apparater déi net méi reparéiert kënne ginn oder ze vill Energie verbrauchen, kënnen net zeréckgeholl ginn. Dës Apparater sollt Dir an Ärem Ressourcenzenter ofginn, si ginn da verantwortlech recycléiert.
Wat geschitt aus Ärem Apparat wann deen aus dem Ressourcenzenter recuperéiert ass ?
Ären Apparat gëtt zu Lëtzebuerg depolluéiert an demontéiert. Eisenmetaller ginn an der Stolindustrie weiderbenotzt, Koffer, Zénk an Aluminium wäerten a Kabelen an elektronesch Komponenten ëmgewandelt. Plastik, op der anerer Säit, gëtt an nëtzlech Deeler fir d'Industrie transforméiert.
Awer opgepasst, e puer Apparater erfuerderen eng speziell Behandlung. Zum Beispill gi FCKW Gasen, schiedlech fir d'Ozonschicht, aus de Frigoen ewechgeholl. Polyurethan-Schaumreschter gi benotzt fir Pudder ze maachen, wat als Absorptiounsmëttel fir Pompjeeën dénge wäerten, a Kathodenstrahlschirmer gi vun hire Schwéiermetalle fir de Recycling entlooss.
Fir méi Informatiounen : https://www.ecotrel.lu/de/b%C3%BCrger/was-geschieht-anschlie%C3%9Fend-mit-den-alten-ger%C3%A4ten
Kann ech mäin Apparat un all Sammler uvertrauen?
Gitt ënner kengem Ëmstänn Apparater un engem Sammler ouni ze kontrolléieren ob hien eng Geneemegung fir Offälltransport vun den zoustännegen Autoritéiten huet. Et ass oft nëmmen eng Fro vu primäre wirtschaftlechen Interessen, wéinst dem héije Präis vun de Rohmaterialien an eng ekologesch Revalorisatioun ass esou net garantéiert.
Wéi ass et mat mengem ale Smartphone, Laptop oder Tablett?
Dir kënnt Är IT-Geräter ewéi Smartphone, Tablett a Laptop op ee vun eisen Diagnostic Point vum Projet Social ReUse bréngen. Keng Panik, all Är perséinlech Donnéeë gi gelëscht (a Konformitéit mam GDPR) éier Ären Apparat vum Digital Inclusion ASBL rekonditionéiert a verdeelt gëtt un léit déi eng technologesch Hëllef brauchen.
PS: Vergiesst net all Är Fotoen, Videoen, Dokumenter oder aner perséinlech Donnéeën op enger Festplack oder op Ärer Cloud ze späicheren.
Wéi kann ech meng Elektroschrott Produktioun reduzéieren?
Fir unzefänken, rode mir Iech een Tri an ären Apparater ze maachen. Wann Dir e Flip-Telefon aus puerer Nostalgie haalt, kéint dir Weiderverwendung a Betruecht zéien. Och ob Dir e begeeschterten Unhänger vun der Marie Kondō Method sidd oder net, stellt Iech d'Fro ob Dir wierklech en neien Apparat kafe musst. Villäicht funktionéiert ären ale Waasserkocher nach ëmmer gutt a brauch net duerch e néie Modell ersat ze ginn, dee gläichzäiteg Kaffi, Téi a Frühstück mécht. An dann, wann Dir heiansdo en Apparat braucht, kënnt Dir ëmmer en vun dësem Site ausléinen.
Aner Initiativë sinn och zu Lëtzebuerg do, fir déi meescht Do-it-yourselfer ënnert iech sinn déi bekannte Repair Caféen.
Square Mile Belval
11, Boulevard du Jazz
L-4370 Belvaux